როგორც უკვე ცნობილია, ზაკინთოსი, კეფალონია და ითაკი ამ ეტაპისთვის ციკლონის ეპიცენტრად რჩებიან. გამოწვეულია წარმოუდგენელი მატერიალური ზარალი, განადგურებულია ბიზნეს დაწესებულებები და ხალხი დარჩენილია სამსახურების გარეშე.
ზაკინთოზე ერთ-ერთი ბიზნესის მფლობელი ინტერვიუს მიცემის დროს ატირდა, როდესაც ცდილობდა აღეწერა, თუ რამხელა დარტყმა მიაყენა ქარიშხალმა და წვიმამ.
უნდა აღინიშნოს ისიც, რომ წლევანდელი წელი მსგავსი სეზონურად მომუშავე დაწესებულებებისთვის უკიდურესად რთული იყო, ვინაიდან კორონავირუსის გამო 2020 წლის ზაფხული, ფაქტობრივად, დაკარგეს, თუმცა, ახლა კიდევ უფრო დიდი კატასტროფის წინაშე დადგნენ.
გთავაზობთ ვიდეოს, რომელიც აღწერს, თუ როგორ დააზიანა სანაპირო ძლიერმა ქარმა და წვიმამ.
