ოფიციალური ინფორმაციით, საბერძნეთის რამდენიმე რეგიონი “წითელ” ზონად გამოცხადდა, რის გამოც ქვემოთ აღნიშნულ ტერიტორიებზე ახალი შემზღუდველი ზომები შედის ძალაში.
კერძოდ, საუბარია თესალონიკზე, ხალკიდიკიზე, კილკისა და ლარისაზე, სადაც ხვალიდან 8 ოქტომბრამდე უსაფრთხოების დამატებითი ზომები იმოქმედებს.
აკრძალულია:
გადაადგილება 01:00 საათიდან 06:00 საათამდე. გამონაკლისია გადაადგილება სამსახურთან და ჯანმრთელობასთან დაკავშირებული მიზეზების გამო.
მუსიკის ჩართვა/დაკვრა ნებისმიერ გასართობ დაწესებულებაში.
ამას გარდა, იკრძალება ნებისმიერი სახის ღონისძიების ჩატარება, რომელზეც თავს მოიყრის 20-ზე მეტი ადამიანი.
კანონდარღვევების შემთხვევაში განსაზღვრულია ადმინისტრაციული ჯარიმები, 50.000 ევროდან 20.000 ევრომდე.
