Wizz Air ათენიდან და თესალონიკიდან საქართველოს მიმართულებით ფრენებს წყვეტს
18 მარტიდან 3 აპრილამდე ვიზეარის ავიახაზები (wizzair) ფრენებს წყვეტს ათენიდან და თესალონიკიდან საქართველოს მიმართულებით და პირიქით, საქართველოდან საბერძნეთის მიმართულებით. რაც შეეხება 17 მარტს, ფრენები განხორციელდება ჩვეულ რეჟიმში.
ეგეოსის ავიახაზები (Aegean Airlines) ფრენებს განაგრძობს საქართველოს მიმართულებით და პირიქით. კომპანიას არ განუცხადებია მუშაობის შეჩერებასთან დაკავშირებით, შესაბამისად ითვლება, რომ ფრენები გაგრძელდება.