ვიდრე 2019 წელს საბოლოოდ დავემშვიდობებით, ცნობილი ხდება, თუ ვინ წარადგენს საბერძნეთს ევროვიზია 2020-ზე. ტელეკომპანია ERT-ის გადაწყვეტილებით, ეს ბერძნული წარმომავლობის გლამურული მომღერალი, სტეფანია ლიბერაკაკისია.
17 წლის სტეფანიამ 2016 წელს საბავშვო ევროვიზიაზე მიიღო მონაწილეობა, სადაც 178 ქულით მე-8 ადგილზე გავიდა. მაშინ მან ნიდერლანდები წარადგინა.
ახალგაზრდა მომღერალს, როგორც ჩანს, დიდი მომავალი აქვს. ის 2002 წელს ჰოლანდიაში, უტრეხტში დაიბადა და ბერძნული ოჯახიდან არის. მისმა პირველმა სიმღერამ, “Stupid Reasons” , იუთუბზე მაშინვე მოიპოვა დიდი პოპულარობა.
