“შვილი რომ მდომოდა, აქამდე მეყოლებოდა” – დიმიტრა მაცუკა ოჯახის შექმნას არ აპირებს

ცნობილი ბერძენი მსახიობი, დიმიტრა მაცუკა გიორგოს ლიაგას გადაცემაში იყო მიწვეული, სადაც გულწრფელად თქვა, რომ ოჯახის შექმნაზე არ ფიქრობს.

“ზოგადად მამაკაცსა და ქალში რაც მიზიდავს, ეს ინტელექტი და სიკეთეა. მინდა მყავდეს ისეთი ადამიანი, რომლის ტვინიც მომეწონება. რომ იყოს კარგი, სამართლიანი ადამიანი. 

არ ვფიქრობ, რომ ოჯახს შევქმნი. არასოდეს მითქვამს, რომ ოჯახს შევქმნიდი. ახლა რომ ვიყო ვინმესთან ძალიან კარგად, მიყვარდეს და მას უნდოდეს შვილები, რაღაც ასაკში რომ ვიყოთ, შეიძლება მეფიქრა კიდეც. შვილი რომ მდომოდა, ალბათ, აქამდე მეყოლებოდა. ქალს, რომელსაც არ ჰყავს შვილები, აქვს თავისი არჩევანი. თუ გინდა შვილის ყოლა, გზას აუცილებლად იპოვი.”