2022 წელს უძრავი ქონების გაყიდვისა და გაქირავების ფასები მთელ საბერძნეთში იზრდებოდა 2021 წლის ბოლო კვარტალთან შედარებით, +8%-იანი საშუალო ზრდით ყიდვის თვალსაზრისით და +5%-იანი ზრდით, ქირაობის თვალსაზრისით. ფაქტი, რამაც აღნიშნულ ტენდენციებზე მნიშვნელოვანი გავლენა იქონია, იყო სამშენებლო მასალების ფასების ზრდაც, რაც აშკარად აისახება ახალაშენებული სახლების გასაყიდ ფასებზე, იპოთეკური სესხების განაკვეთის ზრდაზე, მაგრამ ასევე საპროცენტო განაკვეთების ზრდაზე, ინფლაციის გამო.
spitogatos.gr-ის მონაცემებით, გასაყიდი ფასების ზრდის მიხედვით, “ჩემპიონები” იყვნენ ატიკის ჩრდილოეთი და სამხრეთი გარეუბნები, ათენის ცენტრი და პირეას გარეუბნები, ხოლო დანარჩენ საბერძნეთში ყველაზე დიდი ზრდა დაფიქსირდა პრევეზასა და სპორადესში.
რაც შეეხება გაქირავების ფასებს, ატიკაში ყველაზე დიდი ზრდა დაფიქსირდა ვარი-ვარკიზას, ფილოთეის, იმიტტოს, კიფისიასა და იმ ადგილებში, სადაც მეტროს მე-4 ხაზი გაივლის.
დროთა განმავლობაში, სამხრეთ გარეუბნების ტერიტორიები იზიდავდა როგორც კერძო, ასევე საინვესტიციო ინტერესს. რა თქმა უნდა, ამ ტერიტორიების განვითარებამ ათენის რივიერას პროექტების კონტექსტში, როგორც ჩანს, მათ კიდევ უფრო დიდი სტიმული მისცა. მაგალითად, ვულიაღმენში ბინას 2022 წლისთვის საშუალო შესყიდვის ფასი ჰქონდა 5933 ევრო/კვ.მ, რაც 2021 წელთან შედარებით 19%-ით მაღალი მაჩვენებელია.
უნდა აღინიშნოს, რომ ზოგადად, საბერძნეთში ბინის ქირაობის ფასები მინიმალური ხელფასის ნახევარია, ზოგჯერ უტოლდება, ზოგჯერ კი აჭარბებს კიდეც მას. ბინები, რომლებიც არც თუ ისე სახარბიელო მდგომარეობაშია, შესაძლოა 500-600 ევროდაც იხილოთ.
