სამი ემიგრანტი მუშიდან, რომელთაც მალტაში ცეცხლი გაუხსნეს, ერთი სავარაუდოდ, ქართველია
საქართველოს საგარეო საქმეთა სამინისტროს ინფორმაციით, ჯერჯერობით ვერ დასტურდება მალტაში სროლის შედეგად დაჭრილი ერთ-ერთი პირი არის თუ არა საქართველოს მოქალაქე. როგორც საგარეო უწყება აცხადებს, მალტაში სამართალდამცველებს ჯერ არ მოუხდენიათ დაჭრილი პირების იდენტიფიცირება.
შეგახსენებთ, რომ მალტაში, ქალაქ ბირზებუჯაში მომხდარი დაპირისპირების შედეგად გარდაიცვალა ერთი და დაშავდა ორი ადამიანი, რომელთაგან ერთი, არსებული ინფორმაციით, საქართველოს მოქალაქეა.
როგორც გამოცემა Malta Today იუწყება, ინციდენტი გუშინ, ადგილობრივი დროით 11:00 საათზე მოხდა.
პოლიციას ჯერ არ დაუკავებია დამნაშავე. სამართალდამცავები ოპერატიულ ღონისძიებებს ატარებენ მის დასაკავებლად. ასევე უცნობია ინციდენტის მოტივები.