გავრცელებული ინფორმაციით, თესალონიკში საქმე აღიძრა 42 წლის მამაკაცის წინააღმდეგ, რომელიც საკუთარ ადვოკატს აშანტაჟებდა და მისთვის გადახდილი ფულის უკან გამოძალვას ცდილობდა.
საუბარია სერბეთის მოქალაქეზე, რომელიც არც მეტი, არც ნაკლები, 2020 წლიდან 2023 წლის ივნისის შუა რიცხვებამდე უკავშირდებოდა ადვოკატს, რომელიც კონკრეტული საქმის შესასრულებლად ჰყავდა აყვანილი. ის ტელეფონის საშუალებით ემუქრებოდა მას, ეუბნებოდა, რომ სასტიკად გაუსწორდებოდა ფიზიკურად. პარალელურად, აშანტაჟებდა და ითხოვდა, რომ 3.000 ევრო უკან დაებრუნებინა.
როგორც ირკვევა, აღნიშნული თანხა ადვოკატმა საკუთარი პროფესიული საქმიანობის შესასრულებლად აიღო სერბი მამაკაცისგან, მაგრამ საქმე მის სასარგებლოდ არ დასრულდა, სწორედ ამიტომ, სერბმა ჩათვალა, რომ ადვოკატს თანხა უკან უნდა დაებრუნებინა, ძალადობრივი გზებით.
მისდა სამწუხაროდ, არა მხოლოდ თანხა ვერ დაიბრუნა უკან, მისი საქმე თესალონიკის პროკურატურას გადაეცა.
![image23888[4488]](https://georgians.gr/wp-content/uploads/2024/04/image238884488-230x180.jpg "ბერძენი მამაკაცი ხანიიდან მომავალი გემიდან გადახტა - მას რამდენიმე საათია ეძებენ")
