საბერძნეთი: ექიმებმა 3 წლის გოგონას ფილტვიდან ხრახნი ამოუღეს, რომელიც გადაყლაპა
ხრახნი, რომელიც 3 წლის გოგონამ გადაყლაპა, შესაძლოა საბედისწერო აღმოჩენილიყო მისთვის.
გავრცელებული ინფორმაციით, შემთხვევა კრეტაზე მოხდა, სადაც მცირეწლოვანი ირაკლიოს საავადმყოფოში შეიყვანეს და რენტგენის გადაღების შედეგად, ერთ-ერთ ფილტვში ხრახნი აღმოუჩინეს.
ექიმებმა გოგონა დაუყოვნებლივ საოპერაციოდ შეიყვანეს, რადგან ნებისმიერ წუთს შეიძლებოდა მოვლენები ტრაგიკულად განვითარებულიყო. მათ საკმაო დრო დასჭირდათ ფილტვიდან ხრახნის ამოსაღებად, თუმცა, საბოლოოდ ოპერაცია წარმატებით დასრულდა.