ნიკოს ხარდალიასის მიერ გავრცელებული ოფიციალური ინფორმაციით, ხვალიდან საბერძნეთში რამდენიმე ცვლილება ამოქმედდება. საუბარია კარანტინის შემსუბუქებაზე და რამდენიმე დაწესებულების გახსნაზე.
ცხადია, ეს არ ნიშნავს, რომ კარანტინი სრულიად მოიხსნა და SMS-ები ძალაში აღარ არის. გადაადგილებისთვის კვლავ საჭირო იქნება SMS-კოდების გაგზავნა, თუმცა, მუშაობას იწყებენ დაწესებულებები, რომლებიც დიდი ხნის მანძილზე იყო დაკეტილი.
კერძოდ:
იხსნება სილამაზის სალონები
იხსნება ესთეტიკური ცენტრები
იხსნება ფრჩხილების მოსაწესრიგებელი სალონები
გადაადგილების აკრძალვა შაბათ-კვირას 19:00 საათიდან უქმდება და იქნება ისევ ჩვეულებრივ, 21:00 საათიდან
იხსნება არქეოლოგიური ტერიტორიები (რომლებსაც აქვთ ღია სივრცე, იმოქმედებს შეზღუდვა ვიზიტორთა რაოდენობაზე)
პარკებისკენ გადაადგილება დასაშვები იქნება მხოლოდ ფეხით ან ველოსიპედით და არა მანქანით (იგზავნება კოდი 6)
ინდივიდუალური თევზაობა დაიშვება მათთვიც, ვინც სანაპიროებთან ახლოს ცხოვრობს, კოდით 6.
ამრიგად, სილამაზის სალონების მიმართულებით გადასაადგილებლად უნდა გავაგზავნოთ SMS, კოდით 6, ხოლო არქეოლოგიური ტერიტორიების სტუმრობისას 6.
ასევე, დაშვებული იქნება ეკლესიაში წირვა-ლოცვა მრევლის დასწრებით, თუმცა, შეზღუდვით – ყოველ 25 კვმ-ზე 1 ადამიანი.
