საბერძნეთის უმეტეს რეგიონებში მიმდინარე კვირაში საკმაოდ მაღალი ტემპერატურა და მზიანი ამინდი ფიქსირდება. მიუხედავად ამისა, სინოპტიკოსები პარასკევიდან წვიმასა და მთიან რეგიონებში თოვასაც გვპირდებიან.
ოთხშაბათსა და ხუთშაბათს ჰაერის ტემპერატურა კიდევ მოიმატებს, თუმცა, პარასკევიდან ნავარაუდევია უხვი ნალექი.
წვიმას ვარაუდობენ დასავლეთ, ჩრდილოეთ და აღმოსავლეთ ეგეოსის ტერიტორიაზე, ქვეყნის ცენტრალურ და ჩრდილოეთ რეგიონებში კი შესაძლოა ითოვოს. ზოგადად, მთელ ქვეყანაში არასტაბილური ამინდი შენარჩუნდება, ათენშიც მოსალოდნელია ცვალებადი მოღრუბლულობა, ჰაერი კი 15-16 გრადუსამდე გათბება.
