კვლავ ძლიერი წვიმა და ჭექა-ქუხილი საბერძნეთში – ამინდი დღეს საღამოდან იცვლება
ბერძნული მედიის ინფორმაციით, დღეს საღამოდან ქვეყანაში ამინდი კვლავ უარესდება. მზიანი დღეების შემდეგ მოსალოდნელია ძლიერი წვიმა, ჭექა-ქუხილი და ქარი რამდენიმე რეგიონში.
ფენომენი საღამოს საათებში გააქტიურდება და განსაკუთრებით ძლიერი იქნება დასავლეთ საბერძნეთში, შემდეგ ნელ-ნელა ჩრდილოეთით გადაინაცვლებს და გამოიწვევს უხვი ნალექის მოსვლას.
მეტეოროლოგების ინფორმაციით, წვიმა ორშაბათს შუადღემდე გასტანს და შემდეგ შესუსტდება და შეწყდება.
ათენში დღეს უმეტესად ღრუბლიანი ამინდია მოსალოდნელი.