საბერძნეთი რეკორდებს ხსნის ევროპის ქვეყნებს შორის ეპიდემიასთან ბრძოლაში.
ჯანდაცვის სამინისტროს მიერ გავრცელებული ინფორმაციით, დღეს კორონავირუსით ინფიცირების მხოლოდ 11 ახალი შემთხვევა ფიქსირდება.
საერთო ჯამში ქვეყანაში ინფიცირებულთა რიცხვი 2.235-ს უდრის, საიდანაც 56% მამაკაცია.
ბოლო 24 საათში საბერძნეთში ორი ადამიანი გარდაიცვალა, რამაც კორონავირუსის მსხვერპლთა რიცხვი 110-მდე გაზარდა.
როგორც ცნობილია, რეანიმაციულ განყოფილებაში ამ დროისთვის 67 პაციენტია მოთავსებული.
საბერძნეთი წარმატებით ახერხებს ვირუსთან ბრძოლას და დაფიქსირებული ახალი შემთხვევების რაოდენობა მიუთითებს, რომ მაისში ქვეყანაში ზომების ეტაპობრივი მოხსნა დაიწყება.
