გასულ კვირას გავრცელდა ინფორმაცია, რომ ZARA-ს ერთ-ერთი ყველაზე დიდი მაღაზია ჰოლანდიაში, კერძოდ, როტერდამში გაიხსნება და ის იქნება იმაზე გაცილებით დიდი, ვიდრე ესპანეთში, მადრიდის Plaza de España-ში მდებარეობს, რომლის საერთო ფართობიც 8.000 კვ მეტრია. მაღაზიის ფართობი, რომელიც როტერდამში გაიხსნება, 9.000 კვადრატული მეტრია.
ევროპის ქალაქებს არ ჩამორჩება არც ათენი, სადაც როგორც ირკვევა, ZARA-ს მორიგი მაღაზია გაიხსნება 2024 წლის თებერვალში და ის იქნება მსოფლიოში არსებულ ყველაზე დიდ მაღაზიებს შორის ერთ-ერთი.
ახალ მაღაზიაში განთავსებული იქნება ZARA HOME-ც, შესაბამისად, ერთ სივრცეში იქნება შესაძლებელი ტანსაცმლის, ფეხსაცმლის, ავეჯისა და სახლისთვის საჭირო სხვა ნივთების შეძენა.
აღნიშნული მაღაზია განთავსდება პირეაზე, ევროპის უდიდესი სამგზავრო პორტის გულში და მისი ფართობი იქნება 6.000 კვადრატული მეტრი.
