როგორც 24 წლის გოგონას ადვოკატი ამბობს, მოსამართლესა და გამომძიებელს შორის მის საქმესთან დაკავშირებით უთანხმოება არსებობს, რის გამოც მას შიდა პატიმრობა მიუსაჯეს და სასამართლოს საბოლოო გადაწყვეტილების გამოცხადებამდე სახლიდან გასვლის უფლება არ აქვს.
როგორც კონსტანტინო კრობა აცხადებს, ბერძნული მართლმსაჯულება 5 დღეში გადაწყვეტს საქართველოს მოქალაქის ბედს, თუ რა სასჯელი შეეფარდება მას დანაშაულისთვის.
“საკუთარ საქციელს ძალიან ნანობს. მუდმივად ტირის და შვილის უკან დაბრუნება უნდა. დარწმუნებული ვარ, რომ ის დეპრესიისგან იტანჯება და სწორედ ამან მიიყვანა აქამდე. მუდმივად კითხულობს, თუ როგორ არის პატარა ბიჭი და საავადმყოფოში უნდა წასვლა, რომ ის ნახოს,” ამბობს ადვოკატი.
კალამატას მერი, თანასის ვასილოპულო ამბობს, რომ უამრავი ოჯახი გამოთქვამს სურვილს, რომ არა მხოლოდ იზრუნონ, არამედ ბავშვი შვილად აიყვანონ.
კალამატას საავადმყოფოს ხელმძღვანელობამ უკვე მოაგვარა პროცედურები, რომელთა საფუძველზეც ბავშვს მასპინძელ სტრუქტურაში მომდევნო კვირას გადაიყვანენ.
