თესალონიკისკენ მიმავალ თვითმფრინავს მეხი დაეცა და დააზიანა
ბერძნული მედიის ინფორმაციით, თვითმფრინავის პილოტმა, რომელიც თესალონიკის მიმართულებით მიფრინავდა, ინციდენტის გამო რეისის გაგრძელება ვერ შეძლო და პაფოსის აეროპორტში გაჩერდა.
კერძოდ, რეისი რიგა-პაფოსი-თესალონიკი სამშაბათს ღამით უნდა შესრულებულიყო, თუმცა, საბერძნეთში ბოლო დღეების მანძილზე გაუარესებული ამინდის პირობებში, შტორმისა და წვიმის დროს, Ryanair-ის თვითმფრინავს მეხი დაეცა და მას სერიოზული ზიანი მიაყენა.
პილოტმა თვითმფრინავი პაფოსის აეროპორტში დასვა, თუმცა, თესალონიკში მგზავრები სხვა კომპანიამ გადაიყვანა, რადგან დაზიანებული თვითმფრინავით რეისის დასრულება რისკის შემცველი იყო.