საბერძნეთში სკოლები 12 სექტემბერს გაიხსნება და მოსწავლეები კვლავ მიუსხდებიან საკუთარ მერხებს. მიუხედავად იმისა, რომ პანდემია კვლავ აქტიურია, როგორც ჩანს, ბავშვები განსხვავებულ პირობებში დაიწყებენ ახალ სასწავლო წელს: სავალდებულო არ იქნება პირბადეების ტარება ან ტესტის გაკეთება.
კერძოდ:
1) პირბადეების ტარება იქნება არჩევითი.
2) იმოქმედებს ზოგადი რეკომენდაცია, რომ თუ ბავშვს კოვიდის ან ნებისმიერი გაციების სიმპტომები გამოუვლინდება, სახლში დარჩეს.
3) იმოქმედებს მკაცრი რეკომენდაცია, რომ სიმპტომების გამოვლენის შემთხვევაში, ჩატარდეს ტესტირება (თვით-ტესტი).
4) იმ შემთხვევაში, თუ ტესტი დადებითი ამოვა, დაცული უნდა იყოს უსაფრთხოების ის პროტოკოლი, რომელიც მოქმედებს, ზოგადად, მთელი მოსახლეობისთვის.
დამატებითი დეტალები ცნობილი გახდება მას შემდეგ, რაც ჯანდაცვისა და განათლების სამინისტროს მიერ მიღებული გადაწყვეტილებები გამოქვეყნდება.
