საბერძნეთში მოღვაწე ქართველი ექიმები ემიგრანტებს უფასო სამედიცინო კონსულტაციებს გაუწევენ
ქ. თესალონიკში საქართველოს გენერალურმა კონსულმა ნოდარ კომახიძემ შეხვედრა გამართა სამედიცინო სფეროში მოღვაწე ჩვენს თანამემამულეებთან, რომლებმაც ქართველი ემიგრანტებისთვის უფასო სამედიცინო კონსულტაციების გამართვის თაობაზე გენერალური კონსულის ინიცირებულ პროექტში მონაწილეობის სურვილი გამოთქვეს.
ნოდარ კომახიძემ ექიმებს პროექტში მონაწილეობისათვის მადლობა გადაუხადა და აღნიშნა, რომ მათი მხარდაჭერა და ჩართულობა უაღრესად მნიშვნელოვანია ჩვენი თანამოქალაქეებისთვის.
შეხვედრაზე გადაწყდა, რომ საყოველთაო კარანტინის (Lockdown) დასრულების შემდეგ, ექიმები უფასო სამედიცინო კონსულტაციებს/გამოკვლევებს გაუწევენ საქართველოს იმ მოქალაქეებს, რომლებსაც არ აქვთ სამედიცინო დაზღვევა, რის გამოც ვერ იღებენ სამედიცინო მომსახურებას.
აღნიშნულიდან გამომდინარე, მიმდინარე წლის 24 ნოემბრიდან, ქ. თესალონიკში საქართველოს გენერალური საკონსულო დაიწყებს უფასო სამედიცინო კონსულტაციებზე მოქალაქეთა წინასწარ ჩაწერას.
ვიზიტზე ჩასაწერად გთხოვთ დაგვიკავშირდეთ მითითებულ ცხელი ხაზის ნომრებზე: +306973462002; +306955737000;
ჩაწერები განხორციელდება კარანტინის დასრულებამდე.