კორონავირუსი უკიდურესად დაბალ ნიშნულზე – რა მონაცემებია დღეს საბერძნეთში?!
ჯანდაცვის სამინისტროს მიერ გავრცელებული ინფორმაციით, დღეს საბერძნეთში კორონავირუსით ინფიცირების მხოლოდ 4 ახალი შემთხვევა და 1 გარდაცვალება ფიქსირდება.
საერთო ჯამში ქვეყანაში კორონავირუსის მსხვერპლთა რიცხვი 172-ს უდრის, ხოლო ინფიცირების 2.882 შემთხვევაა გამოვლენილი.
ამ დროისთვის რეანიმაციულ განყოფილებაში მხოლოდ 19 პაციენტი რჩება.
შეგახსენებთ, რომ დღეს საბერძნეთში ზომების მოხსნის კიდევ ერთი ეტაპი დადგა და მუშაობა დაიწყეს კაფე-ბარებმა, ტავერნებმა და რესტორნებმა.
ასევე, გაიცა დაწყებითი სკოლებისა და საბავშვო ბაღების გახსნის ნებართვა, ვინაიდან ექსპერტები ამ მხრივ საშიშროებას ვერ ხედავენ.