გავრცელებული ინფორმაციით, ათენში, კერძოდ, ილიუპოლში, დააკავეს ბერძენი სტომატოლოგი, რომელიც ლიცენზიის გარეშე მუშაობდა. კითხვის ნიშნის ქვეშ არის საკითხიც, რამდენად კომპეტენტური იყო ის საკუთარ საქმიანობაში.
როგორც ირკვევა, 51 წლის სტომატოლოგს უთანხმოება მოუვიდა თავის პაციენტთან, უცნობია, თუ კონკრეტულად რას უკავშირდებოდა აღნიშნული კამათი, მაგრამ საქმე იმ დონემდე მივიდა, რომ პაციენტმა პოლიცია გამოიძახა. ოფიცრებს მან კონკრეტული პრობლემის შესახებ დაუწყო საუბარი, მაგრამ მალევე აღმოაჩინეს ისიც, რომ აღნიშნული სტომატოლოგიური კლინიკა საერთოდ ულიცენზიოდ მუშაობდა.
51 წლის ექიმი დააკავეს და მიმდინარეობს გამოძიება, ჰყავს თუ არა სხვა დაზარალებული პაციენტებიც.
![image23888[4488]](https://georgians.gr/wp-content/uploads/2024/04/image238884488-230x180.jpg "ბერძენი მამაკაცი ხანიიდან მომავალი გემიდან გადახტა - მას რამდენიმე საათია ეძებენ")
