სოტირის ციოდრასის მიერ გავრცელებული ინფორმაციით, საბერძნეთში კორონავირუსით ინფიცირების 71 ახალი შემთხვევა ფიქსირდება, საერთო ჯამში კი ვირუსით 1.955 ადამიანია დაავადებული.
ქვეყანაში გარდაცვლილთა რიცხვი 86-ს უდრის, ხოლო 79 ადამიანი მართვით სუნთქვაზეა გადაყვანილი.
რეანიმაციული განყოფილება დატოვა ორმა პაციენტმა თესალონიკის ΑΧΕΠΑ-ს საავადმყოფოში, ხოლო ვირუსისგან სამი სრულიად განიკურნა და გაეწერა კიდეც.
საბერძნეთში კორონავირუსის გავრცელების დინამიკა სტაბილურად მიმდინარეობს და ქვეყანაში ჯანდაცვის სისტემა პაციენტთა რაოდენობას თავისუფლად უმკლავდება.
