კირიაკოს მიცოტაკიმ გუშინდელი გამოსვლისას მეტად მნიშვნელოვან საკითხზე ისაუბრა, რომელიც ეხება ახალგაზრდებისთვის ბინის შესაძენად უნიკალური შესაძლებლობის მიცემას. კერძოდ, საუბარია 39 წლამდე პირებზე, რომლებსაც შეეძლებათ, რომ ბანკებისა და სახელმწიფოს თანამონაწილეობით აიღონ უპროცენტო სესხი და შეიძინონ თავიანთი პირველი ბინა.
კერძოდ, პროგრამა მოიცავს 1,8 მილიარდ ევროს და გათვლილია 100.000-სზე მეტ ბენეფიციარზე. მარტივად რომ ვთქვათ, მაგალითისთვის, თუ წყვილი შეიძენს ბინას, რომლის ღირებულებაც 100.000 ევროა, ყოველთვიურად ბანკისთვის მხოლოდ 275 ევროს გადახდა დაეკისრებათ, რაც საკმაოდ მცირე თანხაა ორი დასაქმებული ადამიანისთვის. ფაქტობრივად, ეს ბევრად ნაკლებია იმასთან შედარებით, რასაც ქირაში ვიხდით ყოველთვიურად.
დეტალები, თუ რა კრიტერიუმების მიხედვით და როგორ შესრულდება პროცესი ეტაპობრივად გახდება ცნობილი.
