კვიპროსზე 17 ქართველი დააკავეს – ისინი ყალბი საბუთებით მშენებლობაზე მუშაობდნენ

კვიპროსის ქალაქ ლიმასოლში საქართველოს 17 მოქალაქე დააკავეს, მათ კვიპროსის ტერიტორიაზე არალეგალურად ყოფნა ედება ბრალად.

იმიგრაციულმა სამსახურმა დააკავა საქართველოს მოქალაქეები, რომლებიც კვიპროსში არალეგალურად იმყოფებოდნენ და მშენებლობაზე მუშაობდნენ.

პირველი არხის ინფორმაციით, საქართველოს მოქალაქეები, სავარაუდოდ, ყალბი დოკუმენტების მეშვეობით დასაქმდნენ.

დაკავებულებს სასამართლომ რვადღიანი პატიმრობა შეუფარდა.