გარემოს დაცვის ეროვნული სააგენტო, სამოქალაქო დაცვის სააგენტოსთან ერთად საბერძენთის მოსახლეობისთვის მნიშვნელოვან ინფორმაციას ავრცელებს. ხვალ ქვეყნის ნახევარ ტერიტორიაზე ძალიან მაღალი იქნება ხანძრის გაჩენის რისკი, რის გამოც თითოეული ადამიანი უნდა ეცადოს მაქსიმალურად ფრთხილად იყოს აღნიშნულთან დაკავშირებით.
ცხადია, ეს არ ეხება მხოლოდ იმ საკითხს, რომ უფრთხილდეთ ხანძარს, თუკი ის გაჩნდა, არამედ უნდა ეცადოთ, რომ თავად არ გამოიწვიოთ ზემოაღნიშნული, რადგან ძლიერი ქარის გამო, ცეცხლი უკიდურესად სწრაფად გავრცელდება და შესაძლოა სავალალო შედეგები მოიტანოს.
ქვემოთ მოცემულია გრაფიკული სურათი, რომელზეც ყვითლითა და ნარინჯისფრით არის ნაჩვენები ტერიტორიები, სადაც მაღალი და ძალიან მაღალი რისკია: ატიკა, ვიოტია, ევია, ლაკონია, ლესვოსი, ხიოსი, სამოსი, იკარია, კითირა, არკადია, არგოლიდა, კორინთია, ახაია, ილია.
