“თუ დაგჭირდა, დამირეკე, მზად ვარ დახმარებისთვის” – ასეთი იყო ჯო ბაიდენის სიტყვები კირიაკოს მიცოტაკისთან დიალოგისას 25 მარტს, როდესაც საბერძნეთი დამოუკიდებლობის 200 წელს აღნიშნავდა.
Καθημερινή-ს მიხედვით, კირიაკოს მიცოტაკიმ და ამერიკის პრეზიდენტმა არა მხოლოდ ღირშესანიშნავი დღის ფარგლებში ისაუბრეს, არამედ განიხილეს, ფაქტობრივად, ყველა ცხელი საკითხი, რომელიც რეგიონალურ დღის წესრიგში დგას. ბაიდენის პოზიცია მნიშვნელოვნად მიიჩნევა, რადგან არავინ იცის, რა პოზიციას დაიკავებს თავად ანკარა მომდევნო ორი თვის მანძილზე.
სატელეფონო საუბრისას ორი ქვეყნის ლიდერებმა შეაფასეს ერდოღანის დამოკიდებულება და პროვოკაციები, რომელთაც ბოლო არ უჩანთ.
