დღეს თამთას ახალი კლიპის პრემიერა შედგა. როგორც ყოველთვის პოპ დედოფალმა დიდი მოწონება დაიმსახურა და რამდენიმე საათში კლიპს ათასობით ნახვა აქვს.
ეს არის მარიადას პიერიდის სიმღერის, Σ’αγαπω, განახლებული ვერსია. ეს სიმღერა 2002 წელს პირველად გაჟღერდა, ხოლო 18 წლის შემდეგ განსხვავებული სახით ვიხილეთ.
ყველაზე მნიშვნელოვანი ის არის, რომ კლიპი თამთამ სახლში, მობილური ტელეფონით გადაიღო. როგორც თავად ამბობს, ამაში პარის კასიდოკოსტა დაეხმარა, რომელმაც ოპერატორის როლი მოირგო.
ცხადია, გადაღების შემდეგ გარკვეული მონტაჟი მოხდა და საბოლოოდ შთამბეჭდავი შედეგი მივიღეთ. მაკიაჟი, ჩაცმულობა და ყველაფერი, რასაც ხედავთ, მხოლოდ თამთას ნახელავია, ხოლო კამერის უკან მისი მეორე ნახევარი დგას.
