მიუდგომელ ადგილას ასვლას ცდილობდა და სიმაღლიდან გადავარდა – ექსპერტიზის შედეგები

35 წლის ასტროფიზიკოსის ცხედარს ექსპერტიზა ჩაუტარდა და ოფიციალური ინფორმაციით, მისი სიკვდილი სიმაღლიდან ვარდნით არის გამოწვეული. გარდა ამისა, არ დასტურდება, რომ ის დაცემის შემდეგ ცოცხალი იყო და გადარჩენისთვის იბრძოდა. ახალგაზრდა ნატალი ქრისტოფერი ადგილზე დაიღუპა.

როგორც პოლიცია აცხადებს, ადგილი, რომლის დალაშქვრასაც ის ცდილობდა, საკმაოდ მიუდგომელია და ფაქტობრივად, ქალი თავისი საყვარელი საქმიანობის მსხვერპლი გახდა. მას იტაცებდა სირბილი და კანიონების დაპყრობა.

კანიონი კერამე კილომეტრნახევარში მდებარეობს იმ სასტუმროდან, სადაც ის პარტნიორთან ერთად იყო გაჩერებული. მისი მეგობარი მამაკაცი მძიმე ფსიქოლოგიურ მდგომარეობაშია.