როგორც უკვე ცნობილია, კუნძულ ხიოსთან ემიგრანტებით სავსე ნავი ჩაიძირა, რასაც 4 ადამიანის, მათ შორის ბავშვების სიცოცხლე ემსხვერპლა. ერთ ადამიანს ჯერ კიდევ ეძებენ.
27-დან 22 ემიგრანტი ბერძნულმა მხარემ გადაარჩინა, სანაპირო დაცვის თანამშრომლებმა ყველაფერი გააკეთეს, რომ ამ ადამიანების სიცოცხლე ეხსნათ და ხმელეთამდე მშვიდობით გაეყვანათ. ოპერაცია ძლიერი ქარის პირობებში მიმდინარეობდა.
ნოტის მიტარაკიმ ტრაგედიის შესახებ განცხადება თავად გამოაქვეყნა და აღნიშნა, რომ თურქეთმა აუცილებლად უნდა აღკვეთოს მიგრანტთა მსგავსი გზით შემოყვანის მცდელობები, რასაც კრიმინალური დაჯგუფებები ხელმძღვანელობენ.
