დიდი დარტყმა ბერძნულ ტურიზმს – ჯავშნების 50% გაუქმებულია
კორონავირუსის გავრცელებამ ბერძნულ ტურიზმს უკვე დიდი დარტყმა მიაყენა. ქვეყნისთვის, რომლის ეკონომიკაც ძირითადად ამ სფეროზე დგას, ეს ტრაგიკული შედეგია.
როგორც საბერძნეთის სასტუმროების მფლობელთა გაერთიანების პრეზიდენტი, გრიგორის ტასიოსი აცხადებს, 50%-იან ვარდნას განიცდიან.
ირკვევა, რომ გაუქმებულია ჯავშნების 50%, ძირითადად თესალონიკსა და ათენში, თუმცა, სხვა ტურისტული დანიშნულების ადგილებშიც. ჩინელი ტურისტები საბერძნეთში სწორედ ამ დროს ჩამოდიოდნენ.
ამას გარდა, ზარალი გამოწვეულია სასკოლო ექსკურსიების გაუქმებითაც.
შეგახსენებთ, რომ საბერძნეთში კორონავირუსით 90 ადამიანია ინფიცირებული.