ბერძენმა მამაკაცმა პოლიციაში განაცხადა, რომ გაქურდეს და ოფიცრებმა თავად დააკავეს

გავრცელებული ინფორმაციით, კრეტაზე, ირაკლიოში, 44 წლის მამაკაცმა პოლიციაში განაცხადა, რომ ქურდობის მსხვერპლი გახდა, მაგრამ საბოლოო ჯამში თავად დააკავეს.

გავრცელებული ინფორმაციით, მან პოლიციაში ცრუ ჩვენება მისცა და რეალურად არასოდეს გაუქურდავთ. მისი ყალბი საჩივრის მიხედვით, თავისი სამსახურის მანქანით ერთ-ერთ ბანკომატთან გააჩერა, რათა თანხა გამოეტანა. სწორედ იმ დროს, მისი თქმით, უცნობი პირი მიუახლოვდა, წაართვა ჩანთა, რომელშიც 1,600 ევრო ედო და გაუჩინარდა.

გამოძიება დაიწყო და დადგინდა, რომ არანაირი ქურდობა არ მომხდარა, საბოლოოდ, მამაკაცმა აღიარა, რომ ეს ისტორია თავად შეთხზა, რადგან აზარტულ თამაშებზე დამოკიდებულების გამო ფინანსური პრობლემები შეექმნა და თანხა დახარჯა.