კრეტაზე, აგიოს ნიკოლაოსში მდებარე ერთ-ერთ სასტუმროში სპეციალური სამსახურის გამოძახება გახდა საჭირო, ვინაიდან აუზის გაწმენდის დროს შეცდომა დაუშვეს.
ადგილობრივი მედიის ინფორმაციით, როდესაც თანამშრომლები აუზის გაწმენდას ცდილობდნენ, ქლორის ნაცვლად, შემთხვევით, ტოქსიკური მჟავა ჩაასხეს, რომელიც განსაკუთრებით სახიფათოა ადამიანისთვის, როგორც შეხების, ასევე ჩასუნთქვის თვალსაზრისითაც.
როგორც ცნობილი გახდა, შეცდომის გამო ადგილზე მომუშავე პერსონალს ტანსაცმელი დაეწვა, თუმცა, საბედნიეროდ, კანზე დაზიანებები არცერთს არ მიუღია.
