რამდენიმე წუთის წინ ფილარმონიასთან აფეთქება მოხდა. ტელეკომპანია “ფორმულას“ ინფორმაციით, არის მსხვერპლი – გარდაიცვალა ერთი, ხოლო დაშავდა ორი ადამიანი.
წინასწარი ცნობებით, აფეთქება სადღესასწაულო ცენტრ „დეჟავუში“ მოხდა.
საგანგებო სიტუაციების მართვის სამსახურის წარმომადგენლის განცხადებით, ერთ-ერთ შენობაში სარემონტო სამუშაოები მიმდინარეობდა, რა დროსაც ჟანგბადის ბალონი აფეთქდა.
“დაშავდა ორი მუშა, რომლებიც სასწრაფო სამედიცინო დახმარების ჯგუფმა გადაიყვანა საავადმყოფოში. სამწუხაროდ, ერთი მამაკაცი გარდაიცვალა. აფეთქებას ხანძარი არ მოჰყოლია“, – განაცხადა საგანგებო სიტუაციების მართვის სამსახურის თანამშრომელმა.
ფილარმონიის მიმდებარე ტერიტორია პოლიციის თანამშრომლებს სპეციალური ლენტით აქვს შემოსაზღვრული და იქ შესაბამისი სამუშაოები მიმდინარეობს.
დამატებითი ინფორმაცია მოგვიანებით გახდება ცნობილი.
