გავრცელებული ინფორმაციით, ხალკიდიკიში 25 წლის გოგოს პოლიციამ 3.000 ევროიანი ჯარიმა გამოუწერა, რადგან კერძო სახლის ეზოში ორ ადამიანს უმასპინძლა და სუფრა ჰქონდა გაშლილი. ოფიცრებმა ეს ყველაფერი კორონა-წვეულებად ჩათვალეს და მასპინძელს 3.000 ევროიანი, ხოლო იქ მყოფ კიდევ ორ სტუმარს 300 ევროიანი ჯარიმები გამოუწერეს.
პარალელურად, თესალონიკის პანორამას ტერიტორიაზე მამაკაცმა დიდი წვეულების მოსაწყობად იქირავა სახლი. როდესაც ადგილზე ხალხი შეიკრიბა, მეზობლად მაცხოვრებლებმა პოლიციაში დარეკეს, მაგრამ ოფიცრების მისვლამდე სტუმრებმა გაქცევა მოასწრეს, რაც შეეხება ორგანიზატორს, ამ დრომდე იძებნება.
