როგორც უკვე ცნობილია, საბერძნეთის მთავრობამ საემიგრაციო კოდექსში გარკვეული ცვლილებები შეიტანა და ერთ-ერთი ეხება ბინადრობის 10 წლიან ნებართვას, რომლის მიღებაც შეეძლოთ მხოლოდ კონკრეტულ შემთხვევებში (მაგალითად: თუ ხართ საბერძნეთის მოქალაქის ოჯახის წევრი).
2024 წლის 1-ლი იანვრიდან საბერძნეთში ბინადრობის 10 წლიანი ნებართვის მოთხოვნა შეეძლება ყველა იმ ადამიანს, რომელიც ბოლო 10 წლის მანძილზე კანონიერად, უწყვეტად ფლობდა ბინადრობის ნებართვას (ადია დიამონის), მიუხედავად იმისა, იყო ეს 3 წლიანი, 10 წლიანი თუ 5 წლიანი.
ცხადია, იმისთვის, რომ მოითხოვოთ ბინადრობის 10 წლიანი ნებართვა, აუცილებელია აკმაყოფილებდეთ შემდეგ კრიტერიუმებს:
საბერძნეთიდან გასვლა არ უნდა აჭარბებდეს 2 წელს მიყოლებით. კანონი უფლებას გაძლევთ წახვიდეთ საბერძნეთიდან წელიწადში 6 თვით, თუმცა, იგულისხმება, რომ 2 წელს არ უნდა გადააჭარბოთ მიყოლებით, გასვლის შემთხვევაში.
უნდა ფლობდეთ ბინადრობის ნებართვას ბოლო 10 წლის მანძილზე, არ აქვს მნიშვნელობა რამდენწლიანი იყო წინა ნებართვები.
უნდა იყოთ დაზღვეული, რაც გულისხმობს, რომ უნდა გქონდეთ წელიწადში მინიმუმ 50 ენსიმა/ერგოსიმო.
შეგახსენებთ, რომ აღნიშნული კანონი ძალაში შედის 2024 წლიდან, შესაბამისად, ეხებათ მათ, ვინც 2024 წლიდან ჩააბარებს ბინადრობის ნებართვას განსაახლებლად.
