დღეს ალექსის გრიგოროპულოს ხსოვნასთან დაკავშირებულ პირველ აქციას ქუჩებში დაძაბულობა და პოლიციასთან შეტაკება არ მოჰყოლია, მაგრამ არც ზარალის გარეშე ჩაუვლია.
ანარქისტების დაჯგუფებამ, ჩვეულებრისამებრ, სცადა, რომ მატერიალური ზარალი გამოეწვია და ომონიის მეტროსადგურში ყველაფრის დალეწვა დაიწყეს. მათ დააზიანეს საბილეთო სისტემა, როგორც გამცემი აპარატები, ასევე ბარიერები, სადაც მგზავრები ბილეთებს ატარებენ, მეტროთი სარგებლობისთვის.
როგორც კადრებზე ჩანს, ზიანი მიეყენეს ჭერსაც. ამ ყველაფრის აღდგენა, ცხადია, საკმაოდ დიდ ხარჯებთან არის დაკავშირებული.
