საბერძნეთის პოლიციის მხრიდან, კრიმინალის წინააღმდეგ რეიდები კვლავ აქტიურ რეჟიმში ხორციელდება. შესაბამისი უწყებები ავრცელებენ მონაცემებს, რომლებიც ეხება მხოლოდ ბოლო 1 კვირის მანძილზე შესრულებულ რეიდებს და კონტროლს, რომლის შედეგადაც ასობით ადამიანი დააკავეს.
კერძოდ, საუბარია 3 ივლისიდან 10 ივლისამდე პერიოდზე, რეიდები განხორციელდა ძირითადად ატიკის რეგიონში, ათენის ისტორიულ ცენტრში, თესალიაში, კორინთიასა და თესალონიკში, სადაც განსაკუთრებით ბევრი ადამიანი შემოწმდა 7-9 ივლისს.
საბერძნეთის პოლიციამ საერთო ჯამში სპეციალური რეიდების ფარგლებში 2.000-მდე ადამიანი დააკავა, სხვადასხვა დანაშაულებისთვის: ქურდობა, ნარკოტიკებით ვაჭრობა, არალეგალური მიგრაცია, იარაღთან დაკავშირებული დანაშაული და ა.შ.
ატიკის რეგიონში სტატისტიკა ასე გამოიყურება:
აგია ვარვარას, ზეფირისა და ახარნესის ტერიტორიაზე შემოწმდა ჯამში 1539 პირი, განყოფილებაში გადაიყვანეს 659 ადამიანი, ხოლო საბოლოოდ დააკავეს 20 პირი.
კატო პატისიაზე ჩატარებული შემოწმების შედეგად პოლიციამ 139 ადამიანი, დააკავეს 9 ადამიანი, აქედან 7 არალეგალური მიგრაციის ბრალდებით.
რაც შეეხება ათენის ისტორიულ ცენტრს, ჯამში შემოწმდა 1,256 ადამიანი, ხოლო 20 დააკავეს.
