ბერძნული მედიის ინფორმაციით, პატრა-პირგოს გზაზე მომხდარ ავარიას ორი ადამიანის სიცოცხლე ემსხვერპლა. გარდაცვლილია ცოლ-ქმარი, რომელთაც სამი შვილი დარჩათ. როგორც ირკვევა, ერთმანეთს მსუბუქი ავტომობილი და სატვირთო შეეჯახნენ, მსუბუქ ავტომობილში მსხდომი ორი ადამიანი, ცოლ-ქმარი, საავადმყოფოში გადაყვანის შემდეგ გარდაიცვალა, ხოლო სატვირთოს მძღოლმა დაზიანებები მიიღო და ამ დრომდე ჰოსპიტალიზირებული რჩება.
ცოლ-ქმარი ამალიადას მუდმივი მაცხოვრებელი იყო და კაფეტერიას ფლობდა, ადგილობრივი საზოგადოება მომხდარით შეძრულია და ვერ იჯერებენ, რომ სამი შვილის მშობლები ერთად წავიდნენ ამ ქვეყნიდან.
ავარიის ზუსტი მიზეზების დასადგენად გამოძიება მიმდინარეობს.
