ჯანდაცვის სამინისტროს მიერ გავრცელებული ინფორმაციით, დღეს საბერძნეთში კორონავირუსით ინფიცირების მხოლოდ 5 ახალი შემთხვევა და არცერთი გარდაცვალება ფიქსირდება.
საერთო ჯამში ქვეყანაში ვირუსით დაღუპული 175 ადამიანია, საიდანაც 52 ქალბატონია, დანარჩენი კი მამაკაცი.
რეანიმაციულ განყოფილებაში მოთავსებულია სულ 16 პაციენტი, რომელთა საშუალო ასაკიც 66 წელია. 4 ქალია, ხოლო 12 მამაკაცი. მათ 81,2% აქვს თანმდევი დაავადებები.
რეანიმაციული განყოფილებიდან გაეწერა და გამოჯანმრთელდა 105 ადამიანი, რაც უდიდესი მიღწევაა საბერძნეთისთვის.
აღსანიშნავია, რომ დღევანდელი ინფიცირებულებიდან 1 საზღვარგარეთიდან არის ჩამოსული, ხოლო 4 მათგანი უკვე ცნობილ კლასტერს მიეკუთვნება.
ბოლო დღეების მანძილზე საბერძნეთში არსებული მონაცემების მიხედვით, შეგვიძლია ვთქვათ, რომ ქვეყანამ ვირუსის პირველ ტალღაზე მძლავრი გამარჯვება მოიპოვა და რიცხვები, რომლებიც ყოველდღიურად ფიქსირდება, მოსახლეობას აღარ აშფოთებს.
