ბერძნული მედიის ინფორმაციით, გუშინ საბერძნეთის პოლიციამ ერთგვარი ოპერაცია ჩაატარა ათენის საერთაშორისო აეროპორტსა და მის შემოგარენში. დაკავებულია უცხო ქვეყნის რამდენიმე მოქალაქე, შემოწმება კი 36-მდე პირმა გაიარა, მათ შორის 1 ბერძენი ქალია.
როგორც ცნობილი გახდა, შემოწმება პოლიციის ახალი ქვედანაყოფების მიერ განხორციელდა, რომლებმაც მუშაობა ახლახანს დაიწყეს.
თითოეულ პირს მოსთხოვეს პასპორტების და ქვეყანაში ლეგალურად შემოსვლისა და ყოფნის უფლების დამადასტურებელი დოკუმენტების ჩვენება.
პოლიცია მოქმედებს როგორც გამგზავრების, ასევე ჩამოსვლის პუნქტებთან.
