სპეციალური ოპერაციის შედეგად საბერძნეთის პოლიციამ ერთ-ერთ ოჯახურ ბიზნესს მიაგნო, რომელიც საკმაოდ მასშტაბური იყო, დიდი ფინანსური მოგებით. საუბარია მარიხუანას პლანტაციებზე, რომელიც კუნძულ კრეტაზე, კერძოდ, ირაკლიოში აღმოაჩინეს.
საქმის მასალების მიხედვით, ბერძენ ძმებს მარიხუანას პლანტაციები ჰქონდათ გაშენებული და დათვლილია მინიმუმ 780 ნერგი, რომელთა სიმაღლეც 2 მეტრს აღწევს. ვრცელდება კადრებიც, რომლებშიც ჩანს, რომ ისინი მაქსიმალურად ზრუნავდნენ აღნიშნულ პლანტაციებზე და აღჭურვილი ჰქონდათ მცენარის ზრდისთვის საჭირო ნივთებით.
გარდა დიდი რაოდენობით ნარკოტიკისა, აღმოაჩინეს 27.800 ევრო, ნაღდი ფული, იარაღები და ვაზნები,რომლებიც უკვე გადაგზავნილია ექსპერტიზაზე.
აღსანიშნავია, რომ დააკავეს ერთ-ერთი ძმა და პლანტაციებში მომუშავე პაკისტანელი მამაკაცი, მეორე ძმის ძებნა კი, ამ დრომდე მიმდინარეობს.
![image23888[4488]](https://georgians.gr/wp-content/uploads/2024/04/image238884488-230x180.jpg "ბერძენი მამაკაცი ხანიიდან მომავალი გემიდან გადახტა - მას რამდენიმე საათია ეძებენ")
