“აზოვის” წევრის ჩართვა შეცდომა იყო, მაგრამ ΣΥΡΙΖΑ-მ გვითხრას, დგას უკრაინის თუ პუტინის გვერდით?! – იანის იკონომუ

საბერძნეთის მთავრობის წარმომადგენელი, იანის იკონომუ, განცხადებას აკეთებს პარლამენტში ზელენსკის ჩართვის დროს “აზოვის” ბატალიონის წევრის სიტყვით გამოსვლასთან დაკავშირებით. ის ეხება ოპოზიციის რეაქციასაც, რომელიც ამ ყველაფერს მოჰყვა.

იკონომუს თქმით, “აზოვის” ბატალიონის წევრის პარლამენტში გამოსვლა შესაძლოა შეცდომა და შეუსაბამო იყო, მაგრამ ოპოზიციის მიერ ამ ფაქტის გამოყენება საკუთარი მიზნებისთვის, არაკეთილსინდისიერია:

“პრეზიდენტმა ზელენსკიმ საბერძნეთის პარლამენტში სიტყვით გამოსვლისას აღწერა უკრაინელი ხალხისთვის რუსეთის შეჭრის შედეგად მიყენებული ტანჯვა და ყურადღება გაამახვილა თავისი ხალხის გმირულ წინააღმდეგობაზე. “აზოვის” წევრის ამ გამოსვლაში ჩართვა არასწორი და შეუსაბამო იყო. თუმცა, აღმაშფოთებელი და არაკეთილსინდისიერია ამ შეცდომის ოპოზიციის მხრიდან, ალექსის ციპრას მეთაურობით, გამოყენება, რომ კიდევ ერთხელ გაამართლოს რუსეთის უკრაინაში შეჭრა. შეჭრა, რომელიც იწვევს სამოქალაქო სიკვდილით დასჯას და ჰუმანიტარულ განადგურებას. თუ რაიმე დღეს სირცხვილია, ეს არის, არ დაიკავო ცალსახა პოზიცია. სირცხვილია თანაბარი დისტანციები, რომლებიც მათ დღეს პარლამენტში შეინარჩუნეს. მკაფიო პასუხების დრო დადგა: ხართ უკრაინის მხარეს, რომელიც თავისუფლებისთვის იბრძვის?! თუ ხართ პუტინის დამპყრობლების მხარეს. სხვა ალტერნატივა არ არსებობს!”