თამთა ბერძნული შოუ-ბიზნესის გამორჩეული ვარსკვლავია და მისი პირადი ცხოვრება მას შემდეგ, რაც ქართველმა მაყურებელმა რამდენიმე წლის წინ პროექტ “იქს ფაქტორიდან” გაიცნო, სადაც ჟიურის წევრი იყო, კიდევ უფრო საინტერესო გახდა.
“მე და თამთამ პატარა ასაკში შევქმენით ოჯახი, ის 14 წლის იყო, მე კი 16-ის. ჩვეულებრივად გავიცანით ერთმანეთი. დაახლოებით 6 თვე ვიყავით შეყვარებულები და მერე გავიპარეთ. 6 წელი ვიყავით ერთად. როცა გავიზარდეთ, მივხვდით, რომ ის სიყვარული არ ყოფილა სიყვარული, რასაც ოჯახი ჰქვია და დავშორდით. იმან თავისი გზით გააგრძელა ცხოვრება, მე ჩემი გზით. იმაზე მწყდებოდა გული, რომ შვილთან არ მქონდა მამაშვილური ურთიერთობა, ტელეფონით და სხვადასხვა საშუალებით ვკონტაქტობდით. ზაფხულობით, როცა თბილისში ჩამოდის, 2–3 კვირით ჩემთან არის,” ამბობს შმაგი ხაჭვანი, თუმცა, ამ ამბის თამთასეული ინტერპრეტაცია სულ სხვაგვარია:
“მითხრა, რომ ქუჩაში არ დავმდგარიყავით, რადგან ხალხი დაგვინახავდა. მანქანაში ჩავჯექი და მივხვდი, რომ ყავის დასალევად კიარა უფრო შორს მივდიოდით. ისინი მართლაც გასცდნენ თბილისს. ამ დღის შემდეგ მის მშობლებთან ერთად, მის სახლში ვცხოვრობდი. ის 16 წლის იყო, მე კი 14-ის. თებერვალში მომიტაცა, აპრილში კი დავქორწინდით.
ოფიციალური ქორწინების გაკეთება არ შეგვეძლო, რადგან არასრულწლოვნები ვიყავით და ამის უფლება არ გვქონდა. მაშინ ყველა გრძნობა გამეყინა, ყველაზე ცივი გადაწყვეტილება მივიღე და ვთქვი, რომ უნდა გავშორებოდი, რაც უნდა მომხდარიყო, რადგან ასეთი ცხოვრებით ვერ ვიცხოვრებდი,” ამბობს მომღერალი.
თამთას და შმაგის 23 წლის ქალიშვილი ანი ხაჭვანი დედასთან და ბებიასთან ერთად საბერძნეთში ცხოვრობს, თუმცა მამასთან ხშირად ჩადის… აღსანიშნავია, რომ გოგონა ძალიან ჰგავს დედას, თუმცა ცდილობს ცნობილი დედის სახელის ჩრდილში არ მოექცეს.
