რამდენიმე წუთის წინ ათენის ცენტრში ძლიერი აფეთქება მოხდა. როგორც მედია იუწყება, საუბარია ლარისის სადგურის მიმდებარე ტერიტორიაზე არსებულ ხორცის მაღაზიაზე.
აფეთქება სწორედ ამ მაღაზიაში მოხდა, რომელიც ალკივიადუსა და იულიანუს ქუჩების გადაკვეთაზე მდებარეობს. ადგილზე სწრაფად მობილიზდა სახანძრო სამსახური, მაშველებმა კი, ერთი მამაკაცი მაღაზიიდან დაშავებული გამოიყვანეს. თვითხილველთა თქმით, მას სერიოზული დაზიანებები ჰქონდა მიღებული ხელებსა და ფეხებზე.
წინასწარი ცნობებით, ხორცის მაღაზიის მფლობელი პაკისტანის ან ბანგლადეშის მოქალაქეა.
