ხვალ, ახალი 2019 წლის დადგომამდე ერთი დღით ადრე, ათენში საზოგადოებრივი ტრანსპორტი განსხვავებული განრიგით იმუშავებს. ავტობუსი, ტროლეიბუსი, მეტრო და ა.შ. იმოძრავებს გაცილებით იშვიათად.
კერძოდ, ავტობუსები და ტროლეიბუსები მუშაობას 23:00 საათზე შეწყვეტენ, თუმცა, ბოლო რეისების შესრულება მოსალოდნელია 21:00 საათიდან 22:00 საათის ინტერვალში.
ელექტრო მატარებელი (ტრენო) – 31 დეკემბერს იმუშავებს 22:00 საათამდე, იმოძრავებს ყოველ 5 წუთში ერთხელ, ხოლო 25 და 26 დეკემბერს ყოველ 12, 5 წუთში ერთხელ.
მეტრო – 31 დეკემბერს იმუშავებს 23:00 საათამდე, იმოძრავებს ყოველ 5-10 წუთში ერთხელ.
ტრამვაი – 31 დეკემბერს ასევე იმუშავებს 23:00 საათამდე, იმოძრავებს ყოველ 20-25 წუთში ერთხელ.
