“საქართველო არ არის უსაფრთხო ქვეყანა” – ამ ლოზუნგით ქართველი ემიგრანტები ბარსელონაში, ევროკავშირის ოფისის წინ შეიკრიბნენ. მათი თქმით, საქართველოში გაუსაძლისი მდგომარეობაა, რის გამოც ქვეყანას ათასობით ადამიანი ტოვებს.
შეკრებილების მტკიცებით, საქართველოში მოქალაქეების უსაფრთხოება არ არის დაცული. გარდა ამისა მიმდინარეობს განსხვავებული აზრის დევნაც.
“საქართველო მართლა არ არის უსაფრთხო ქვეყანა. იქ სადაც იზღუდება ჩემი უფლება, არის ეს ქვეყანა თავისუფალი და დემოკრატიული ქვეყანა,“-აცხადებს ქართველი ემიგრანტი, ნანა კუხალეიშვილი.
