დავით წოწორიაზე აქამდეც დაწერილა, თუმცა, ახლა, ბიჭმა, რომელიც ემიგრანტად დედის ნაცვლად წავიდა და ამ წუთამდე მოხუცს უვლის, პირადად ისაუბრა.
როგორც ამბობს, თავდაპირველად, როცა ოჯახს ძალიან გაუჭირდა, იტალიაში წასვლა მის დედას უნდოდა, თუმცა, დავითმა დაასწრო და თვითონ აიღო თავის თავზე უდიდესი პასუხისმგებლობა.
იმისთვის კი, იტალიამდე რომ ჩაეღია, წარმოუდგენლად ბევრი ქვეყანა გაიარა, ჯიბეში მხოლოდ 100 ევროთი, რომელიც 15 დღეში მხოლოდ საკვებში დაეხარჯა… მაგრამ, როგორც ჰყვება, როცა ამბობდა, რომ საქართველოდან იყო, გზად ყველა ეხმარებოდა. სანამ დანიშნულების ადგილამდე ჩავიდოდა, მან თვენახევარი იარა.
