ბერძენი პოლიციელები თვალებს არ უჯერებდნენ, როდესაც გაყინულ ხორცში დიდი რაოდენობით ნარკოტიკები აღმოაჩინეს, რომლის ციხეში შეტანასაც პატიმრის დედა ცდილობდა.
გავრცელებული ინფორმაციით, შემთხვევა კორიდალოს ციხეში მოხდა. პატიმრის დედა შვილის მოსანახულებლად მივიდა და თან მიიტანა ხორცი, რომელშიც 47 გრამი კანაბისი იყო გახვეული.
ქალმა შემოწმება ჯერ დაცვასთან გაიარა, რა დროსაც ეჭვი აიღეს და მისი ხორცი საგულდაგულოდ დაათვალიერეს. კანაბისი 8 პატარა შეკვრაში იყო მოთავსებული და შემდეგ ხორცში ჩადებული.
როგორც ცნობილია, პატიმარი, რომლისთვისაც დედას ეს ყველაფერი მიჰქონდა, სასჯელს ქურდობისთვის 2019 წლის დასაწყისიდან იხდის. მისი ეროვნება უცნობია.
![image23888[4488]](https://georgians.gr/wp-content/uploads/2024/04/image238884488-230x180.jpg "ბერძენი მამაკაცი ხანიიდან მომავალი გემიდან გადახტა - მას რამდენიმე საათია ეძებენ")
