ათენი: მძღოლმა ჟურნალისტი და შშმ პირი გალანძღა, რადგან ჰკითხეს, რატომ დააყენა მანქანა ტროტუარზე

ტელეკომპანია ΣΚΑΙ-ს საშუალებით გავრცელდა კადრები, თუ რა მდგომარეობაა ქუჩებში, როგორ აყენებენ მანქანებს ტროტუარებზე და რამხელა პრობლემას უქმნით ეს ყველაფერი იმ ადამიანებს, რომელთაც შეზღუდული შესაძლებლობები აქვთ.

ჟურნალისტმა ერთგვარი ექსპერტიმენტი ჩაატარა შშმ პირთან ერთად, რომელსაც ყოველდღიურად ამ ყველაფერთან გამკლავება უწევთ. ერთ-ერთ მძღოლს მანქანა გაჩერებული ჰყავდა ტროტუარზე, როდესაც დაბრუნდა, მათ ჰკითხეს, თუ აცნობიერებდა, რომ გზას კეტავდა, თუმცა, მამაკაცმა გარდა იმისა, რომ ბოდიში არ მოიხადა, მათ შეურაცხყოფა მიაყენა და იქაურობა ისე დატოვა.