საბერძნეთში ზამთრის მეორე თვე დადგა, მაგრამ ზამთრის სუსხი ჯერჯერობით არსად ჩანს. ქვეყანაში კვლავ სეზონისთვის უჩვეულოდ მაღალი ტემპერატურა ფიქსირდება და როგორც ეროვნული მეტეოროლოგიური სამსახური იუწყება, მსგავსი პირობები გვექნება მინიმუმ 5 იანვრამდე, ანუ პარასკევის ჩათვლით.
სინოპტიკოსები პროგნოზირებენ, რომ ტემპერატურა შედარებით დაიკლებს ნათლისღების შემდეგ, 6 იანვრიდან, რასაც მოჰყვება ნალექი, წვიმის სახით, ზოგიერთ რეგიონში.
ატიკის რეგიონში მიმდინარე კვირაში მოსალოდნელია ცვალებადი მოღრუბლულობა, თუმცა, არ ველოდებით რაიმე სახის ფენომენების გააქტიურებას, ჰაერის ტემპერატურა იმერყევებს 9-დან 17 გრადუსამდე, რაც შეეხება, თესალონიკს, მოსალოდნელია ღრუბლიანობა, პერიოდული მცირე წვიმა, ტემპერატურა კი 5-დან 15 გრადუსამდე.
