დღეს შვილის მკვლელობაში ბრალდებული რულა პისპირიგუს სახლის წინ ხალხი შეიკრიბა და ითხოვდნენ, გარეთ გამოსულიყო ყველა ის ადამიანი, რომელმაც იცის ბავშვების გარდაცვალების დეტალები და ხმამაღლა ისაუბრონ ამ თემაზე.
რულა პისპირიგუ 9 წლის ჯორჯინას მკვლელობის საქმეში მთავარი ეჭვმიტანილია და ისიც უნდა აღინიშნოს, რომ საზოგადოების ნაწილისთვის აღნიშნული ფაქტი არც თუ ისე გასაკვირი აღმოჩნდა. უკვე რამდენიმე თვეა მიმდინარეობს გამოძიება და საუბარი იმაზე, რომ პისპირიგუს გარკვეული როლი შეიძლებოდა ჰქონოდა ამ შემზარავ ამბებში.
აღნიშნულ მოსაზრებას იზიარებდა ყოფილი პოლიციელი, თანასი კატერინოპულოც, რომელიც ხმამაღლა და ხაზგასმით აცხადებდა, რომ ბავშვების გარდაცვალებაში ადამიანის ხელი ერია და ეს ადამიანი მათი დედა იყო.
